Ka precipituar në dhunë protesta e opozitës para parlamentit, ku gjatë protestës ka patur tensione të vazhdueshme midis protetuesve dhe punonjësve të policisë dhe të gardës .
Protestuesit kanë filluar të hedhin bidona me bojë të kuqe në drejtim të policisë, ndërkohë policia ka shpërndarë gaz lotsjellës.
Po ashtu në tensione e sipër, protetsuesit kanë qëlluar me sende një makinë policie e cila po kalonte në rrugën para Kuvendit.
Sot opozita paralajmëroi një protestë urgjente pas vendimit të kryesisë së Kuvendit për të mbajtur një seancë penare para radhe, e cila ishte caktuar të enjten.
Po këtë ditë opozita kishte paralajmëruar të mbante një protestë të madhe, çka do të paralizonte sipas saj punimet e kuvendit të marrë peng nga bandat dhe kriminelët.
Ndryshimi i agjendës së maxhorancës ka çuar dhe në ndryshimin e agjendës së opozitës e cila po vijon prej më shumë se 2 orësh protestën para Kuvendit ku nuk kanë munguar përplasjet fizike mes protestuesve dhe forcave të FNSH-së, hedhjes së tymuesve shashkave dhe sendeve të forta. Raportimet nga Kuvendi thonë se është hedhur gaz lotsjellës për disa minuta rresht, çka ka bërë që protestuesit të shpërndahen për tu rikthyer sërish.
Gazetarët e Fax News thonë se pas kësaj janë parë qytetarë që vrapojnë për shkak të gazit lotsjellës si dhe ambulancën e cila ka mbërritur për të marrë një qytetar qe është ndjerë keq.
Gjithashtu 2 policë kanë mbetur të dëmtuar nga goditja me sende të forta.
(M.Q/Faxweb.al)
