Ditën e sotme u zhvilluan zgjedhjet për kreun e FSHF-së, ku mes kandidatëve Bashkim Fino dhe Armando Dukës fitoi ky i fundit. Armando Duka është rizgjedhur për të pestën herë në krye të FSHF-së.
Pas numërimit të votave në raundin e dytë ai rezulton fitues me 38 vota. Bashkim Fino ka marrë 24 vota dhe 4 kanë qenë të pavlefshme. Pas zgjedhjeve Duka u shpreh i kënaqur me votimin dhe tha se do të bëjë më të mirën për sportin.
Por korçari i famshëm Ilir Vrenozi me batutat e tij ka nxjekur numërimin e votave në Asamblenë e sotme.
“Live nga Durresi… Cfare emocioni… thjesht i thane jo politikes ne futboll… Poshte Komunistat”, kështu është shprehur ai teksa ka postuar edhe një video teksa numërohen votat. Nuk ka munguar nga ana e korçarit që të bëjë edhe numërimin e votave gjatë kësaj video. Mesa duket ai është shfaqur shumë i kënaqur kur ka fituar Duka ku nuk kanë munguar edhe brohorimat. (J.V/Faxweb)
Discussion about this post