Zyrat e ‘’Opinion” mesnatën e djeshme u pushtuan nga ana e Policisë Gjyqësore, kjo për shkak të transmetimit për herë të parë të një video mjaft konfidenciale.
Video e transmetuar dje në emision kishte lidhje me goditjen e automjetit të zv/drejtorit të Policisë së Elbasanit, Gjergji Oshafi, nga një mjet tip Audi e blinduar.
Në videon në fjalë u zbulua për herë të parë dinamika e qartë e ngjarjes së shumëpërfolur. Shihet qartë sesi pas përplasjes nga ana e ”Audit” makina e Policisë në Elbasan nuk reagon. Ndërsa ”Audi” përplas makinën e nëndrejtorit të Policisë së Elbasanit dhe hyn në ambjentet e tregut, makina tjetër e Policisë qëndron e palëvizur.
Përfaqësues të Policisë Gjyqësore dhe të Prokurorisë shihen në video duke pyetur moderatorin Blendi Fevziu.
Oficerët e policisë gjyqësore kanë sekuestruar materialet filmike dhe mësohet se prokuroria do të nisë një procedim penal për personin që i ka publikuar ato.
Ndërkohë që vetë ngjarja në Elbasan mbetet e pazbardhur, Policia duket se e ka pasur me mjaft nxitim që të vërë në vend dinjitetin e cënuar nga video.
(E.K/SHUPLAKA)
Discussion about this post