Edhe në Kukës qindra qytetarë kanë zbarkuar në rrugët e qytetit duke protestuar kundër qeverisë nga e cila kërkojnë anullimin sipas tyre të zgjedhjeve farsë të 30 Qershorit dhe dorëheqjen e kryeministrit Edi Rama.
Kur kanë mbetur diçka më shumë se 24 orë nga hapja e procesit të votimit, opozita dhe përkrahësit e saj janë të vendosur për të mos e lejuar zhvillimin e zgjedhjeve vendore pasi argumentojnë se janë anti-ligjore dhe anti-demokratike.
Raportohet se situata në këtë qytet është paraqitur relativisht e qetë për shkak se ka përkuar edhe me një orar të tillë kur maturantët e qytetit manifestojnë mbylljen e studimeve nëpër gjimnaze.
Kujtojmë se qyteti Veri-Lindor ka pasur vazhdimisht përplasje dhe tensione kohet e fundit e sidumos prej vendosjes së materialeve zgjedhore në qendrat përkatëse e ku më pas nisur nga këmbëngulja e protestuesve, disa prej tyre janë zhvendosur nëpër biznese private.
Ndërkohë gjatë ditës së sotme protesta janë zhvilluar edhe në Durrës e Vlorë kun ë këtë qytetet kryeministri Rama bën mbylljen e fushatës e cila i paraprin të ashtuquajturës heshtje zgjedhore e ku një ditë më pas ka deklaruar se do të futet në zgjedhjet pa dekret dhe që nuk njihen nga opozita.
(F.GJ/FAXWEB.AL)
Discussion about this post