Dhjetra qytetarë kanë bllokuar hyrjen kryesore të Roskovecit pasi kryeministri Edi Rama do të inspektojë investimet e kryera në këtë bashki.
Protestuesit u kanë vënë flakën gomave për të mos lejuar kalimin e kryeministrit.
Mes protestuesve është edhe ish-deputeti i Qarkut të Fierit, Enkelejd Alibeaj, si dhe ish-deputetja e LSI-së Kejdi Mehmetaj.
‘’Edi Rama ka njoftuar se do të bëjë një vizitë në Roskovec, dhe kjo është mirëseardhja e qytetarëve. Ai pretendon se gjithë vëmendja e tij është te qytetarët, dhe kjo është përgjigja e tyre. Mesa duket rrugës e ka kuptuar këtë, dhe është shmangur”, u shpreh Alibeaj.
‘’Është person non grata në të githë Shqipërinë, dhe është treguar tashmë që është strumbullari i krimit dhe i korrupsionit. Qytetarët janë të zotët e këtij vendi, nuk ka parë gjë akoma, kjo është shumë pak”, tha Alibeaj.
Në protestë mbërritën forcat e policisë, të cilët shpërndanë protestuesit dhe bënë të mundur hapjen e rrugës.
Duket se derinë protestën e madhe të PD-së dhe të LSI-së që është paralajmëruar për në datën 16 Mars, në çdo rast që do ketë informacione për lëvizjet e Ramës në rrethe, do të organizohen tubime të ngjashme.
(E.K/FAXWEB.AL)
