Kryeministri Rama ishte i pranishëm ditën e sotme në Fier, ku Partia Socialiste organizoi një festë me rastin e 8-Marsit.
Kreu i qeverisë ftoi gratë që të vallëzonin së bashku, dhe përjashtoi prej aty të gjithë burrat, ku urdhëroi edhe DJ-në të vendoste një muzikë vallëzimi. Nën ritmet e këngëve të jugut apo ‘’Sa të deshte lalka ty”, gratë e strukturave të PS-së kanë rrethuar Ramën, ndërsa një pjesë e mirë e tyre kanë kërkuar që të bëjnë dhe foto me të.
Por, në një moment një zonjë ka thirrur me zë të lartë “Rroftë Monika”, duket kjo gjë nuk i ka pëlqyer aspak Ramës. Shefi i është përgjigjur zonjës, “Kërce, kërce, lëre Monikën, kërce moj aty”.
Discussion about this post