Këto ditë për Shqipërinë kanë qënë të vështira. Por shqiptarët kanë ditur të jenë më të bashkuar se kurrë më parë ndoshta.
Gjithë këtë solidaritet dhe ndihëm që kanë dhënë shqiptarët këto ditë për njeri-tjetrin e ka përshkruar në një poezi aktori dhe shkrimtari Çun Lajçi.
Vargjet e kësaj poezi i ka recituar aktori Reshat Arbana, i cili ka shkaktuar emocion të thellë me zërin e tij. Në këto ditë ndihma që kanë dhënë shqiptarët e Kosovës është e madhe dhe e rrallë dhe t’u thuash faleminderit është shumë pak.
Vargjet e poezisë:
“Shqipnisë sime t’luhatun”
Kur dridhesh ti
Ne s’bajmë gjumë Shqipni
Se tutemi po vdes
E rrajë jetimash mbesim
Të duem edhe kur vërshohesh
Ujnash
Edhe kur digjesh
Zjarresh
Edhe kur mallkohesh nesh
Kur luhatesh
Dridhesh e përkundesh
Tërmetesh
Si zogj t’futemi n’gji
E lutemi
Vetëm ti t’mos vdes
Ne
S’bajmë gjumë kur ti dridhesh
Se veç Ty t’kemi Shqipni”.
