Autoriteti i Mediave Audiovizive ka reaguar ashpër pas një video-reklame të Universitetit Europian Të Tiranës të transmetuar në televizionet kombëtare ku thuhet: “Pse të harxhoni kohën kot me një master që nuk do t’ju hyjë në punë, si Universiteti Shtetëror?! Hajdeni në UET!”
Autoriteti i Mediave Audiovizive ka konsideruar se kjo reklamë cënon të drejtat e konsumatorëve, duke iu dhënë atyre informacion për këtë subjekt arsimor privat dhe njëkohësisht duke përçmuar sistemin arsimor publik të Republikës së Shqiperisë.
AMA iu kërkon operatorëve audiovizive të ndërpresin menjëherë transmetimin e kësaj reklame.
REAGIMI I AMA-s:
Të ndalohet reklama që cënon të drejtat e publikut
Autoriteti i Mediave Audiovizive, AMA, ka evidentuar në 24 orët e fundit transmetimin e një reklame televizive mbi aktivitetin e Universitetit Europian të Tiranës, për pranimet e reja në këtë vit akademik studimor.
Përmbajtja e reklames haptazi cënon të drejtat e konsumatoreve, duke iu dhënë atyre informacion për këtë subjekt arsimor privat dhe njëkohësisht duke përçmuar sistemin arsimor publik të Republikës së Shqiperisë
AMA iu kërkon operatoreve audiovizive të ndërpresin menjëherë transmetimin e kësaj reklame, që ka haptazi natyrë të pandershme tregtare për shkak të krahasimit me institucione të tjera të identifikuara.
AMA kërkon dhe nga Autoriteti i Konkurrencës dhe nga Komisioni i Mbrojtjes së Konsumatorëve që ta shqyrtojnë këtë rast për përputhshmërinë ligjore.
AUTORITETI I MEDIAVE AUDIOVIZIVE
Tiranë, më 16 Shtator 2017
(B.H/Shuplaka)
Discussion about this post