Drejtuesi i një medie spanjolle ka rënë nga karrigia e tij gjatë një interviste të drejtpërdrejt në televizion.
Drejtori i gazetës së njohur spanjolle ABC, Bieito Rubido Ramonde, po intervistohej nga spikeri i lajmeve argjentinas Eduardo Feinmann në kanalin e lajmeve të Amerikës Latine, A24.
Ramonde ngrihet nga karrigia e tij për të përshëndetur ngrohtësisht spikerin. E ndërsa më pas bën të ulet, drejtori i ABC-së zë gabimisht cepin e karriges dhe rrotat e saj lëvizin duke e hedhur në tokë. Menjëherë spikeri shkon për ta ndihmuar dhe Ramonde, i skuqur në faqe detyrohet të jape thjesht një buzëqeshje të zymtë.
(E.L/Faxweb)
Discussion about this post