Qyteti i Durrësit është përfshirë nga stuhi të forta ere dhe shiu këtë pasdite. Si pasojë e reshjeve të shiut rrugët e qytetit në pak minuta janë kthyer në të pakalueshme.
Probleme janë hasur në kalimin e këmbësorve si dhe në qarkullimin e mjeteve pasi uji ka arritur disa centimetra.
Situata më problematike është hasur pranë kryqëzimit të stadiumit, tek rrethrrotullimi i Stacionit të Trenit, shëtitorja Taulantja, në lagjen 13, 14, dhe 15.
Po ashtu si pasojë e motit të kqe, problem është edhe mungesa e energjisë në disa zona pasi është shkëptur.
