Pa kaluar akoma ethet e tërmeteve të fuqishme që tronditën vendin, Tirana është pushtuar nga reshjet e dendura të shiut shoqëruar nga murmurima të forta dhe erë.
Ka mjaftuar mbi një orë shi dhe rrugët e kryqytetit janë përmbytur nga reshjet e dendura të shiut. Më problematike paraqitet gjendja në zonën e “Bon Boskos”, ku mjetet hasin vështirësit të madhe në qarkullim, ndërkohë që uji i ka kaluar disa centimetra.
Po ashtu edhe në afërsi të shkollës Sabaudin Gabrani, rrugët janë përmbytur nga shiu. Uji ka vërshuar në banesa si edhe në dyqanët e katit të parë.
Reshjet e shiut në formën e shtrëngatave e stuhive po ushtrojnë aktivitetin e tyre në qytetet Tiranë, Lezhë, Elbasan.
Sasia më e madhe e reshjeve është regjistruar në qytetin Lezhës me 53.0 mm, Shkodrës me 26.0mm, Tiranës 20.0mm.
Reshjet fillimisht kanë nisur në Lezhë, Elbasan dhe qytete të tjera të vendit dhe së fundmi kanë mbërthyer edhe kryeqytetin.
Theksojmë se siç kemi raportuar edhe më herët, në Lezhë disa rrugë u bllukuan dhe makinat mbetën në ujë.
Edhe gjatë natës shirat do të mbeten prezent duke perfshirë gjithë vendin. Sipas MeteoAlb, temperaturat e ajrit janë ulur lehtë në të dy vlerat ditore duke u luhatur nga 8°C deri në 28°C mesdita.
Era do të fryjë e forte me shpejtësi mbi 60 km/h nga drejtimi Jugor duke krijuar në brigjet detare dallgëzim 6 ballë.
Ndërsa ditën e martë, 24 shtator, territori Shqiptar do të mbetet në kushte të paqëndrueshme atmosferike duke bërë që vranësirat e shpeshta dhe rrebeshet e shiut të jenë të pranishme në të gjithë territorin, më të dukshme në zonat veriore–qendrore. Temperaturat do të pësojnë ngritje të vlerave, me 2°C në mesditë.
Herë pas here pritet të ketë kthjellime. Mbrëmja sjell përmirësim gradual të kushteve të motit duke ri-kthyer kthjellimet ne vend. Era do të fryjë mesatare dhe e forte me shpejtësi mbi 40 km/h nga drejtimi Veriperendimor duke krijuar në brigjet detare dallgëzim 4 ballë.
Discussion about this post