Kreu i Bashkisë së Tiranës, Erion Veliaj i quan budallenj ata që protestojnë për shembjen e Teatrit Kombëtar teksa inspektonte një banesë të rindërtuar të një familje në Kombinat pas shembjes nga tërmeti i 21 shtatorit. Veliaj tha se njësoj siç e kishte me ngazëllim rindërtimin e kësaj banese, e njëjta gjë do të ndodhte edhe me Teatrin e ri Kombëtar.
“Edhe me teatrin, do qajnë kur ikën një gjë me kujtime dhe prapë do qajnë nga gëzimi kur bëhet një gjë e re. Pse ti mendon se shumica e atyre që shkojnë atje kanë qenë ndonjëherë në teatër?! U thotë partia shkoni në teatër. Të kishin qenë aq shumë veta në Teatër do kishte dalë me fitim. Pse mendon se do të pyes ata budallenj.
E fola pak edhe me nënë Qamilen, se historia e kësaj shtëpie ngjan pak edhe me teatrin: qamë kur bie një gjë e vjetër, ku kemi kujtime, ama do qajmë prapë nga gëzimi kur të ndërtohet një e re. Kur një ndërtesë nuk mban më, qoftë shtëpi, qoftë teatër, kopësht, çerdhe, a ngrehinë tjetër, është më mirë t’i themi lamtumirë. Ai teatër ishte kthyer në një ‘frankenshtain’,ishte bërë ‘shto ujë edhe shto miell’, duke u kthyer në një mumje që nuk e linin të kallej,ndaj duhet t’i thoshim lamtumirë, që të qajmë sërish nga gëzimi kur të bëhet Teatri i Ri, siç u bë e re shtëpia e nënë Qamiles”, deklaroi ai në materialin e shpërndarë nga Bashkia e Tiranës.
“Ditën që u prish shtëpia?️, edhe gjyshi??, edhe nënë Qamilja?? qanë. Kishin shumë kujtime aty, në atë shtëpi të amortizuar nga tërmeti, e cila s’mbante më, ra me prekjen e parë. Sot qamë për herë të dytë, me lot gëzimi për futjen në shtëpinë e re, më moderne e me të gjitha kushtet.?
Edhe Teatrin e ri Kombëtar?, xhevahirin e ri të Tiranës dhe strehën e të gjithë artistëve, do ta presim me po kaq ngazëllim. Kemi nisur nga puna!?”, shkruan Veliaj krah videos.
(F.GJ/FAXWEB.AL)
Discussion about this post