Një avion rus me 71 persona në bord së bashku me anëtarët e ekuipazhit u zhduk nga radarët pak minuta pasi la aeroportin e Moskës dhe u nis drejt Uraleve më 11 shkurt të mujit të kaluar.
Aeroplani Saratov Airlines An-148 jet ishte duke fluturuar në drejtim të qytetit Orsk, kur u zhduk. Ndërkohë mediat ndërkombëtare kanë publikuar edhe biseda mes pilotëve pak para se të ndodhte aksidenti tragjik. Nga të dhënat e nxjerra prej ‘kutisë së zezë’ është kuptuar që njëri pilot kishte urdhëtuar tjetrin që të fitonte lartësi me avion, e jo ta dërgonte atë poshtë.
“Përse po shkon poshtë? Ku? Lartë, lartë, lartë!”, citohet t’i ketë thënë piloti Valery Gubanov kolegut të tij, Sergei Gambaryan, ditën e 11 shkurtit pak pasi avioni kaloi hapësirën e aeroportit të Moskës.
Audio incizimi u ndërpre kur piloti dëgjohet duke thënë “Kaq ishte, jemi të vdekur”. Momenti tragjik është filmuar nga kamerat e një objekti që ndodhet afër vendit ku ndodhi ngjarja. Siç shihet, avioni është përplasur me tokën dhe më pas ka shpërthyer në flakë.
Pas rrëzimit teknikët e aeroportit, kishin deklaruar se avioni që u rrëzua ishte kontrolluar dhe sipas tyre të tilla kontrolle bëhen çdo dy ditë.
Por më vonë autoritetet kanë thënën se aksidenti ka ndodhur si pasojë e një defekti në avion.
(B.H/Faxweb)
Discussion about this post