Dy persona janë arrestuar nga policia në Pejë, pasi po rrihnin barbarisht një grua në mes të qytetit.
Policia e Kosovës në rajonin e Pejës ka thënë për Gazetën Express se dy persona janë arrestuar, ndërsa e reja është dërguar në spital për trajtim.
Arrestimi i dy personave shihet edhe në videon e mëposhtme e cila është filmuar nga kalimtarë të rastit.
“Rreth orës 14:00 në rrugën Nëna Tereza në Pejë, Policia ka hasur në një rrahje e cila ishte në progres, Ka arrestuar dy persona, viktima është dërguar në spital. Rasti nga Prokurori është cilësuar si lëndim i lehtë. Dy persona janë dërguar në mbajtje”, tha zëdhënësi i Policisë në Pejë, Fadil Gashi.
