Dedikuar rinisë, në formë dhe përmbajtje. Ky është video-mesazhi më i ri i kryedemokratit Lulzim Basha.
Prej 32 sekondash, Basha jep mesazhin e tij duke mbajtur një celular në dorë ku regjistron pamjet. Nga makina, në zyrë e deri në takimet elektorale ku në sfond ka ”Republikën e Re”.
”Dua të ndaj diçka me ju. Kam studiuar drejtësi në Holandë dhe kam punuar për hetimin e krimeve të luftës në Tribunalin e Krimeve të Hagë si dhe për organizatën e Kombeve të Bashkuara.
Sot shumë të rinj po largohen pa asnjë shpresë për t’u kthyer sepse në Shqipëri nuk ka punë për ta.
Ne duhet të ulim taksat, të tërheqim investimet, të zhvillojmë industrinë dhe t’i japim rinisë mundësinë e parë të punësimit përmes stazheve të paguara.
Në Europë e kanë parë si funksionon një ekonomi e fortë. Në Shqipëri i kemi të gjitha mundësitë që t’ia dalim”, thotë Basha, ndërsa në një pjesë të spotit shoqërohet nga disa të rinj. (V.G/SHUPLAKA)
Discussion about this post