Një aksident ka ndodhur mbrëmjen e sotme në rrugën nacionale Berat-Urë Vajgurore,në fshatin Moravë. Parakalimi i gabuar dhe shpejtësia e mjetit tip Tojota që udhëtonte në drejtim të Beratit ka shkaktuar përplasjen me një kamionçinë,tip Benz që po udhëtonte në drejtim të Urës-Vajgurore. Si pasojë e përplasjes,mjeti tip Tojota,ka përfunduar në kanalin në anë të rrugës,ndërkohë që edhe kamionçina ka devijuar dhe ka rrëshkitur. Si pasojë e këtij aksidenti janë plagosur 2 drejtuesit e mjeteve,shtetasit K.A,25-vjeç,nga Berati dhe
F.G,55-vjeç,nga Durrësi,si dhe një pasagjer që udhëtonte në mjetin Tojota. Të plagosurit ja ë transportuar në Spitalin e Beratit dhe janë jashtë rrezikut për jetën. Burimet e policisë rrugore në vendngjarje,pas kqyrjes së vendit të aksidentit,bëjnë me dije se,shkak për këtë aksident është bërë mjeti Tojota,që duke ecur me shpejtësi ka kryer parakalim të gabuar dhe më pas ka humbur kontrollin e mjetit për shkak të lagështirës në rrugë. Aksidenti ka ndodhur në orën 20:20 të mbremjes.
https://www.youtube.com/watch?v=k8Y1S-wvEMk
