Në një informacion më të plotë të Fax News për grabitjet në Korçë, bëhet e ditur se tre biznese kanë rënë pre e vjedhësve gjatë orëve të para të mëngjesit të së dielës.
Bizneset gjenden përgjatë aksit nacional Korçë – Kapshticë.
Tre bizneset e vjedhura kanë qenë një i produkteve të qumshtit, një i prodhimit të mjaltit dhe një biznes bojërash.
Grupi i vjedhësve, nga mënyra se si kanë vepruar, mendohet të jetë i strukturuar dhe profesional.
Mësohet se në njërin prej bizneseve, kanë mundur të vjedhin kasafortën, brenda së cilës kanë qenë 70 milionë lekë të vjetra.
Vjedhësit kanë përvetësuar pamjet e rregjistruara nga kamerat e sigurisë duke mos lënë kështu asnjë gjurmë.
(E.L/Faxweb)
