VIDEO/ Shkrihen akujt mes Ilir Metës dhe Tom Doshit, darkojnë së bashku dhe ia marrin këngës

Akuzat e ish-deputetit të PS-së Tom Doshi ndaj Ilir Metës, në atë kohë kryetar Parlamenti, tronditën politikën shqiptare.

Tom Doshi akuzonte Metën se ai kishte dashur t’i bënte atentat për ta vrarë, madje ai kishte vënë në dijeni edhe bashkëshorten e tij, se në rast se i ndodhte diçka, përgjegjës për këtë ishte Ilir Meta.

Por, tre vjet pas akuzave, pas hetimeve të zhvilluara, rezultoi se e gjitha kjo të ishte një skenar i sajuar i Tom Doshit, Mark Frrokut dhe Durim Bamit dhe u dënuan nga gjykata.

Kur kanë kaluar tre vjet nga akuzat e rënda, të cilëve Meta iu përgjigj me qetësi në atë kohë, duke mohuar gjithçka, duket se ‘akujt’ mes të dyve janë shkrirë.

Siç shihet dhe në videon e publikuar nga Faxweb.al ata së bashku po festojnë ditëlindjen e 90-të të kardinalit Ernest Simoni Troshani.

(B.H/Faxweb)