Një autobus i një agjencie turistike shqiptare është shkrumbuar në kryeqytetin grek mëngjesin e sotëm në sheshin Karaiskaki në lagjen “Metaksurgjio” të Athinës duke shkaktuar panik tek banorët.
Mjeti ishte parkuar jashtë agjencisë së udhëtimit që i përkiste një kompanie shqiptare dhe ashtu siklurse raportojnë mediat greke, pronari i autobusit ishte i habitur nga ngjarja pasi siç ka treguar ai nuk kishte marrë kurrë ndonjë kërcënim
Autobusi bënte udhëtime tursitike në Shqipëri, Turqi dhe Bullgari. Tre makina zjarrëfikëseje kanë mbërritur në vendngjarje dhe pas një ore luftë me zjarrin, arritën që të shuanin flakët.
Pronari i autobusit dyshon për një zjarrvënie të qëllimshme , por megjithatë thotë se nuk kishte marrë ndonjë kërcënim që mund të çonte në këtë ngjarje. Ndërkohë policia greke po heton në lidhje me zbardhjen e plotë të ngjarjes.
Discussion about this post