Një ngjarje e rëndë ka tronditur Londrën pasditen e sotme ku policia qëlloi për vdekje një person pasi ky i fundit terrorizoi zonën e Streatham Hight Road ku me anë të një thike të madhe plagosi të paktën tre persona.
Ndërkohë Top Channel ka siguruar edhe videon e terroristit të vrarë nga policia. Sipas të dhënave të fundit të plagosur kanë mbetur dy burra dhe një grua.
Për këtë ngjarje të rëndë ka reaguar edhe kryetari i Bashkisë së Londrës, Sadiq Khan i cili tha se incidenti po trajtohet si “i lidhur me terrorizmin” dhe se ai ishte në kontakt me komisarin e Policisë Metropolitane dhe personelin.
Khan u shpreh se nuk do të lejohet që terrori të mund të godasë jetën e qetë të qytetarëve të Londrës.
Edhe kryeministri britanik Boris Johnson reagoi në lidhje me këtë sulm. “Lutjet e mia janë me të dëmtuarit dhe të gjithë ata që preken nga tragjedia”, shkroi në rrjetet sociale Johson. Policia ka thënë është në gatishmëri për çdo situatë të pakëndshme.
Në videon e mëposhtme dëgjohen zëra mes tyre edhe të një fëmije që flasin shqip.
Sudesh Amman është emri i terroristit i cili u vra pasditen e sotme në Londër nga policia. Ai me anë të një hanxhari terrorizoi zonën në Streatham High Road pasditen e kësaj të diele, ndërsa më pas u qëllua për vdekje nga policia.
Mediat britanike bëjnë me dije se Amman më parë ishte dënuar me tre vjet burg por ishte liruar pasi kishte kryer gjysmën e dënimit, megjithatë mbikqyrej pasi kishte dyshime se mbante pikëpamje ekstremiste.
Discussion about this post