Shqiptarët janë më të stresuarit në rajon. Sondazhet janë publikuar nga Gallup i titulluar Indeksi i Emocioneve. Raporti “Gallup Global Emotions 2024”, që paraqet indeksin e përvojave pozitive dhe negative të përditshme të njerëzve, tregoi se shqiptarët janë ata që përjetojnë më shumë trishtim, stres dhe zemërim se gjithë vendet e tjera të Ballkanit, sa i përket disa përvojave negative.
Lidhur me këtë temë, psikologia Rudina Koromani në një intervistë për Fax News, me gazetaren Sedjana Huna, ka treguar shkaqet e stresit të shqiptarëve dhe pasojat që sjell në shëndetin psikologjik. Sipas psikologes, te stresi i shqiptarëve ndikojnë shumë faktorë.
Psikologe Rudina Koromani:
Kur flasim për stresin ndikojnë shumë faktorë. Janë ato faktorë individual, por janë edhe faktorët e vendit të punës, pra lloji i punës që bën individi, a është një punë që e ka zgjedhur me dëshirë apo jo, kushtet e punës, paga e punës, mënyra e trajtimit, komunikimi me punonjësit, pra janë një sërë faktorësh në atë që quhet, stresi që vjen nga puna. Për të folur për shqiptarët se çfarë i streson më shumë, duhen bërë studime më të mirëfillta sepse çdo kulturë ka karakteristikat e veta dhe faktorët e saj që ndikojnë në popullatë.
PËR MË TEPËR NGA INTERVISTA ME PSIKOLOGEN RUDINA KOROMANI, NDIQNI SPECIALEN NË YOU TUBE NË FAQEN ZYRTARE TË FAX NEWS:
Discussion about this post