Tërmeti i datës 26 nëntor që tronditi vendin, la pas 51 viktima, por veç të tjerash ka lënë mijera banorë në qiell të hapur, të cilët janë strehuar përkohësisht në hotele dhe presin që të marrin bonusin e qirasë.
Një familje në lagjen 3 në Durrës, ka vendosur që të rikthehet në banesë, megjithëse shtëpia është shpallur e pabanueshme. Autoritet i kanë nxjerrë nga hoteli me pretekstin se banojnë me qira, por mbasi kanë konstatuar se janë në banesë u kanë thënë të rikthehen në hotel deri më datën 3 janar.
Zonja e shtëpisë shprehet mjaft e shqetësuar, pasi pronarët e banesave kerkojnë lekët e qirase, pavarësisht se shteti akoma nuk ja ka dhënë.
“Na kanë dhënë këtë letrën që u konstatua që është rrezik shembje, shkuam dhe u ankuam dhe sërish nuk na kanë dhënë asnjë zgjidhje. Unë nuk njoh as shtet dhe asgjë më kanë dhënë asnjë zgjidhje shteti. Do të jemi tek hoteli deri me datën 3 janar. Endemi rrugëve që të gjejmë shtëpi në qira. Na nxorrën nga hoteli pas dy javësh.këto të hotelit do të na nxjerrin dhe na thanë veproni që të bëni atë bonusin e qirasë. Kam kapur kryetarin e njesisë më ka thënëqë me atë do të merrem. Për pak ditë jemi në hotel për momentin, por ne do të detyrohemi të kthehemi sërish. Bonusin e qirasë nuk na e kanë dhënë dhe pronarët e banesave nuk na pranojnë pa lekë në dorë.”- tregoi banorja.
Ndërkohë një grua me fëmijën e vogël i cili është me ‘sindromën down’, shprehet se nuk e kanë ndihmuar dhe se madje e dhe në ndihma i kanë paragjykuar.
“Jam e ndarë nga bashkëshorti dhe kam një fëmijë me sindromën down. Nuk kam asnjë ndihmë ekonomike. E përballoj shpenzimet me një pension fëmijë. Jetoj ku të na zejë nata. Jam me fëmijë të vogël dhe askush nuk me ka ndihmuar. Keq për një pjatë sup jemi ne, të tjerëve u dhanë lloj lloj gjerash, po na panë ne se jemi jevgj, por jo se të gjithë njerëz jemi.”- shprehet zonja.
(M.Q/Faxweb.al)
Discussion about this post