Situata pas përmbytjeve në Darëzezë të Fierit vijon të jetë e rënduar pasi uji ka hyrë në banesat e banorëve.
Gazetarja e Fax News, Klaudia Karabolli, raporton nga Darëzeza se uji ka mbuluar të mbjellat dhe ka hyrë në katet e para të banesave.
Banorët janë shprehur të indinjuar pasi nuk janë dëmshpërblyer për përmbytjet e muajit Dhjetor 2017, ndërkohë që janë përmbytyr për herë të dytë.
Ata apelojnë për ndihmën e shtetit dhe instancave përkatëse.
“Përmbytjet e fundit s’janë parë kurrë në këtë zonë. Na kanë rrënuar ekonomikisht. Kemi fjetur me frikë se mos mbytemi. Jemi shkatërruar nga kjo. S’kemi marrë dëmshpërblim për përmbytjet e Dhjetorit, përmbytemi prapë. Jemi në dorë të Zotit, nuk dimë çfarë të bëjmë. Jemi të falimentuar këtu nuk punohet më. Ka ardhur vetëm një deputete e Fierit, asnjë njeri tjetër.”-ka thënë njëri prej banorëve për Fax News.
(F.G/Faxweb)
Ndiqeni në videon e mëposhtme, Fax News në Darëzezë:
