Miron Çako, prgjegjës i zyrës së katekizmit ishte i ftuar në studuion e lajmeve nga ku dha mesazhin se njerëzit duhet të shkëputen nga dritat artificiale dhe të përqafojnë dritën e vërtetë, që sipas tij e gjen tek Perëndia.
“Në të krishterët besojmë se Perëndia është një përmes Atit, Birit, Shpirtit, Shenjtë, por Krishti është biri i Perëndisë që lindi në Betlehem. Kaq shumë e deshi Zoti botën dhe ishte diçka shumë e gëzar. Shpesh Perëndinë e kuptojmë si diçka të dhunshme, të frikshme, por duhet të kuptojmë se ajo është dhuratë. Prandaj lindja e Jezus Krishtit është një festë që na mbledh.
Ka një periudhë prej 40 ditësh që ne përgatitemi, ku në 40 ditë heqim dorë vullnetarisht nga konsumi i produkteve që vijnë nga kafshët dhe përdorim ato bimore. E para është të përgatisim vetveten përpara se të përgatisim rrugët dhe shtëpitë. Kjo periudhë është meditimi, reflektimi, ne pendohemi për mëkatet tona, rrëfehemi për to. Kërkon që Krishti të lindi në zmerën tonë dhe ne takohemi me të në liturgjinë hyjnore.
Santa Klausi është një mënyrë për të bërë reklama, krejtësisht artificiale. Shën Nikolla ka qenë një misionar shumë human që dhuronte pafund, por çfarë ka ndodhur, Santa Klausi është bërë personazh i përveçëm, ndërsa Shën Nikolla është i përgjithshëm, ai është njeri i Zotit dhe sot është në qiell në krah të tij”, tha Çako.
Çako kritikoi edhe besimin e njerëzve tek yjet duke përmendur edhe parashikimet e horoskopit për të cilin tha se përdoret simboli i yllit. “Krishti është pema e jetës.
(F.GJ/FAXWEB.AL)
Discussion about this post