Armando Sadiku u kthye protagonist këtë fundjavë duke shënuar një gol fantastik nga një distancë e konsiderueshme në barazimin 1-1 të Luganos në fushën e Bazelit.
Sulmuesi elbasanas e nisi ndeshjen nga stoli, duke qenë se nuk preferohet si titullar nga trajneri Fabio Celestini.
Në minutën e 67’-të sulmuesi 27 vjeçar shënoi golin e avantazhit për skuadrën e tij. Ai nuk festoi, por ka reaguar ashpër, duke lëshuar disa sharje nga goja ndërkohë që miqtë e tij të skuadrës festonin. “Të q… ropt”, ishin fjalët që duken nga mimika e bomberit të kombëtares.
Duke folur për mediat pas ndeshjes, Sadiku duke konfirmuar se kishte sharë në gjuhën shqipe.
‘Kështu jam unë, isha i nervozuar me të gjithë. Kam sharë pak thuajse të gjithë në shqip … unë i pranoj zgjedhjet, jam i kënaqur, por jo shumë për objektivin që kemi, duhet të arrijmë sa më lart të jetë e mundur. Pres më shumë edhe nga vetja ime”.
Trajneri Fabio Celestini pas ndeshjes është shprehur se nuk kishte parë asgjë: ”Nëse e ka me mua dhe shënon gola dhe arrin objektiva, atëherë shpresoj që ta bëjë çdo të diel. Unë kam një raport shumë të mirë me Armandon, por më pas bëj disa zgjedhje”, deklaroi strategu i Luganos.
Discussion about this post