Presidenti i SHBA Donald Trump i siguroi Kancelares gjermane Angela Merkel një mikpritje të ngrohtë në Shtëpinë e Bardhë, duke e quajtur atë një “grua të jashtëzakonshme”.
“Udhëtimi i punës” i Merkel ndjek vizitën shtetërore të Presidentit francez Emmanuel Macron në Shtetet e Bashkuara dhe vjen mes tensioneve të rritura midis Berlinit dhe Uashingtonit mbi politikën tregtare të SHBA dhe kundërshtimin e Trumpit ndaj marrëveshjes bërthamore të Iranit.
Trump tha se është “thelbësore” që aleatët e NATO-s të paguajnë “pjesën e tyre të drejtë” në mbrojtje. Ata duhet të “shpenzojnë 2 për qind dhe shpresojmë se shumë më tepër të GDP-së në mbrojtje”, shtoi ai pa përmendur në mënyrë eksplicite Gjermaninë.
SHBA dëshiron një marrëdhënie tregtare “të drejtë dhe reciproke” me vendet evropiane, tha presidenti. Ai shtoi se do të punonte me Gjermaninë në trajtimin e ankesave të SH.B.A.-së në lidhje me marrëdhëniet tregtare dypalëshe.
Merkel tha se marrëveshja bërthamore e Iranit 2015 është një “hap i parë” që ka ndihmuar në frenimin e problemit bërthamor të Iranit. Marrëveshja megjithatë nuk është “e mjaftueshme” për të trajtuar ambicjet gjeopolitike të Iranit në Lindjen e Mesme.
Merkel tha se shpenzimet e mbrojtjes të Gjermanisë do të barazonin 1.3 përqind të PBB-së në 2019, një rritje gjatë viteve të mëparshme. Vendi po i afrohej objektivit 2 për qind të NATO-s.
Merkel tha se Gjermania donte “tregti të ndershme” në përputhje me rregullat tregtare globale.
German Chancellor #Merkel has arrived at the #Whitehouse for working lunch with #US President #Trump. Smooth first 30 seconds, but with #Trade #NATO spending, #Iran, and #Russia‘s #nordstream2 on the table, likely to get sticky before desert. pic.twitter.com/PRFIDhOcyi
— DW | Politics (@dw_politics) April 27, 2018
(B.H/Faxweb)
