Mbrëmjen e sotme u raportua se në lagjen 10 Korriku në Vlorë ka ndodhur një shpërthim me tritol në banesën e 36-vjeçarit me Eljus Thartori.
Por policia raporton se rreth orës 19:23, në Spitalin Rajonal të Vlorës ka shkuar i plagosur dyshohet me armë zjarri shtetasi E.Th., 36 vjeç, i cili ndodhet jashtë rrezikut për jetën.
Megjithatë gazetarja e Fax News Afrovita Hysaj bën të ditur nga vendngjarja se është dëgjuar një shpërthim në zonë, ndërkohë që 36-vjeçari ka plagë edhe dëmtime nga djegia e shpërthimit.
Faxweb raporton se i plagosuri është Eljus Thartori, i cili ka qenë i dënuar në Itali. Ndërkohë që ka punuar edhe si mësues në Vlorë.
I riu është dërguar me urgjencë në spitalin e Vlorës dhe bëhet e ditur se është jashtë rrezikut për jetën.
Grupi hetimor po vijon hetimet për zbardhjen dhe sqarimin e rrethanave të ngjarjes. Po punohet për identifikimin dhe kapjen e autorit.
(M.Q/Faxweb.al)
