Në Shkodër dhe në Durrës para godinave të teatrove përkatëse kanë dalë disa artistë, aktivistë dhe qytetarë në mëbshtetje të tubimit që po zhvillohet në Tiranë kundër prishjes së godinës së Teatrit kombëtar. Me flamuj kuq e zi dhe pankanta në duar, të rinjtë dënuan shembjen e Teatrit Kombëtar dhe e cilësuan turp ndërhyrjen për rrafshimin e godinës rreth orës 04.00 të ditës së diel.
Njëkohësisht, ata që morën fjalën në protestë nënvizuan shkatërrimin e arkeologjisë dhe trashëgimisë kulturore në Durrës, që në shumë lagje të qytetit është varrosur dhe shkatërruar nën betonin e godinave shumëkatëshe.
Ata mbajnë në duar pankarta përmes të cilave përcjellin mesazhe të veçanta dhe simbolike ndërsa “Aleksdandër Moisiu” në Durrës dhe “Migjeni” në Shkodër janë të vetmit që i janë bashkuar kësaj kauze. “Unë jam grushti i fortë i munguem i Migjenit”, shkruan një prej aktivistëve që i është referuar njërës prej poezive më të njohura të poetit Mollosh Gjergj Nikolla.
(F.GJ/FAXWEB.AL)
