Është përcjellë sot për në banesën e fundit biznesmeni vlonjat Bledar Birçaj, i cili u ekzekutua mesditën e djeshme në Vlorë, teksa ishte duke udhëtuar me mjetin e tij BMW, i shoqëruar nga një punonjës i policisë së Vlorës, i cili u shpëtoi për mrekulli plumbave që u lëshuan nga dy kallashnikovë.
Siç shihet dhe nga pamjet e mëposhtme të siguruar nga Fax News, qindra makina kanë marrë pjesë në përcjelljen për në banesën e fundit të Birçajt, i cili kishte një lokal në zonën e Lungomares.
Të pyetur jashtë kamerave, punonjësit në bizneset e Birrcajt shprehen se ai i respektonte dhe iu gjendej pranë sa herë që ata kishin nevoja, qoftë familjare dhe qoftë ekonomike, ndërkohë që janë shokuar nga vrasja.
Birçaj u ekzekutua dhe në një pritë të mirëorganizuar, ndërkohë që pamjet e vrasjes së tij janë të denja për skenar filmash. Edhe pse kanë kaluar pothuajse 24 orë nga vrasja ende nuk ka asnjë person të ndaluar, ndërkohë që pista kryesore është ajo e aktivitetit që ka pasur jashtë shtetit 40-vjeçari, konkretisht në Spanjë.
Personi që e shoqëronte Birçajn, punonjës policie është shprehur para hetuesve se vrasësit i kishin gjetur të papërgatitur, dhe ai ia kishte mbathur sapo kishte parë praninë e tyre. (LEXO EDHE KËTU)
Ngjarja, pistat dhe hetimet e deritanishme të Policisë
Nuk ka ende asnjë të ndaluar apo të shoqëruar si autor të dyshuar për atentatin e mesditës së djeshme në Vlorë. Ndërkohë, në polici për tu pyetur lidhur me ngjarjen janë shoqëruar mbi 20 persona. Të shoqëruarit ishin dëshmitarë, apo persona të afërt të viktimës. Ata janë pyetur për të mësuar rreth konflikteve që 40-vjeçari mund të ketë.
Dëshmitë tashmë janë marrë e administruar në procesverbal me shpresën për të gjrndur indicie që mund te çojnë në zbardhjen, indentifikimin dhe kapjen e autorëve të atentatit ndaj Bledar Briçajt. Gjithashtu për identifikimin e autorëve hetuesit shpresat më të mëdha i kanë ke kamerat e sigurisë.
Sipas burimeve mësohet se janë sekuestruar dhjetëra kamera sigurie, ku përvec vendit ku u ekzekutua Briçaj, hetuesit kanë sekuestruar edhe disa kamerave biznesesh, të rrugës nga ku u larguan autorët.
Kjo me qëllim për të gjetur edhe gjurmë të personave që mund t’i kenë ndihmuar, pasi hetuesit dyshojnë se përvec dy autorëve që qëlluan drejt mjetit me të cilin udhëtonte viktima dhe shoferit që i largoi pas krimit, janë ndihmuar edhe nga persona të tjerë, të cilët i kanë informuar për lëvizjet e 40-vjeçarit.
Ndërkohë burime bga grupi hetimor bëjnë me dije se pista kryesore ku po punohet dhe ku janë përqëndruar hetimet për atentatin djeshëm, është ajo e përplasjes mes grupeve kriminale në qytetin bregdetar.
Hetuesit kanë dyshime se atentatu ndaj 40-vjeçari Breçaj mund të jetë vijim i përplasjeve mes grupeve rivale jashtë vendit, kryesisht për konflikte të lindura në Spanjë e Belgjikë. Birçaj sipas policisë kishte vetëm tre javë që ishte kthyer nga Spanja, ku atje dyshohet se ka qenë i përfshirë në trafikun e drogës.
Bledar Birçaj u ekzekutua mesditën e së hënës në zonën e njohur si “Bishti i Kalldrëmit” në qytetin e Vlorës. 40 vjeçari po udhëtonte me një makinë tip “BMW” dhe është qëlluar me breshëri, nga dy kallashnikov të ndryshëm nga një distancë shumë e afërt. Një person i dytë që ka qenë në makinë me viktimën, ia ka dalë t’u shpëtojë mbrekullisht plumbave.
(E.K/Faxweb.al)
Discussion about this post