Pas kërkesës së gjyshit të tij për ti dhënë leje dy ditore që të merrte pjesë në ceremoninë mortore të vëllezërve Bilali të vrarë një ditë më parë, Asmer Bilalit i është dhënë leje nga burgu.
Mësohet se leja është dhënë për një afat dy ditor për të qëndruar pranë familjes ashtu sikurse edhe ishte kërkuar nga gjyshi i tij (lexo këtu).
Ai i ka bërë thirrje shtetit që t’i japë dy ditë leje Asmer Bilalit në prezencën e policisë, pasi nuk ka se kush t’i përcjellë njerëzit pasi ai është i vetmi mashkull në familje.
Ndërkohë Asmer Bilali është shoqëruar nga policia për në banesën e tij dhe pas mbarimit të këtij afati do të rtikthehet në qeli.
Ish-kampioni i boksit Asmer Bilali, humbi dje babanë dhe xhaxhin e tij të cilët u vranë para derës së shtëpisë nga persona të pa identifikuar (lexo këtu).
Kujtojmë që ish-boksieri Asmer Bilali, u arrestua vitin e kaluar si pjesë e grupit “Bajri” në Shkodër, ndërkohë që grupi kundërshtar i tyre janë Licajt. Dyshohet se lufta mes këtyre bandave të këtë sjellë viktimat e radhës.
Autorët pas ekzekutimit të dy vëllezërve i kanë vendosur flakën mjetit tip “Benz” për të zhdukur çdo gjurmë të vrasjes.
(F.GJ/FAXWEB.AL)
Discussion about this post