Një zjarr me përmasa të mëdha është regjistruar sot në zonën e ish-Metalurgjikut në Elbasan.
Mësohet se zjarri ka rënë pranë zonës së Kurum.
Në terren janë parë shtëllunga tymi gjigande.Nga zjarri rrezikohet jeta e punëtorëve.Nuk janë të qarta shkaqet e rënies së zjarrit.
Paraprakisht situata paraqitet mjaft kritike. Disa automjete zjarrfikëse janë nisur drejt vendit të ngjarjes. Ka kaluar në gatishmëri edhe Spitali Rajonal i Elbasanit Autoambulanca dhe personeli mjekësor janë nisur drejt fabrikës së përfshirë nga flakët.
Zjarri në ra një fabrikë të prodhimeve plastike. Aktualisht katër zjarrfikëse dhe dhjetëra punonjës po punojnë për izolimin e flakëve. E gjithë fabrika është mbuluar nga flakët. Për shkak të shtëllungave të tymit nga djegia, në të gjithë zonën ka ndotje masive dhe erë të keqe nga materialet plastike. Zjarri fillimisht ra në magazinën e arkave plastike.
Zyrtarisht konfirmohet sipas Policisë se nuk ka pasoja për jetën e punonjësve nga zjarri në fabrikën e prodhimeve plastike.
Elbasan/Informacion paraprak
Rreth orës 15:00, në ish-kombinatin metalurgjik, në një fabrikë plastike, ka rënë zjarr, dyshohet prej një shkëndije elektrike.
Në vendngjarje ndodhen shërbimet e Policisë dhe të zjarrfikëses, të cilat po punojnë për shuarjen e flakëve, nga të cilat janë shkaktuar vetëm dëme materiale.
Grupi hetimor po punon për përcaktimin e shkaqeve të rënies së zjarrit.
