Një vatër zjarri ka shpërthyer në një pallat në ndërtim në zonën e Bulevardit të Ri në Tiranë, ndërkohë që re tymi kanë mbuluar të gjithë zonën.
Siç shihet dhe nga pamjet e siguruara nga Fax news, re të zeza tymi kanë mbuluar zonën edhe në afërsi të SPAK, ndërsa ndotja është mjaft e madhe.
Njoftimi i policisë:
Më datë 24.04.2023, te “Bulevardi i Ri”, ka rënë zjarr në katin e parë në një pallat në ndërtim e sipër (ka marrë flakë polisteroli duke krijuar shumë tym), dhe si pasojë ka vetëm dëme materiale.
Në vendngjarje ndodhen forcat zjarrfikëse dhe po punojnë për shuarjen e zjarrit.
Grupi hetimpr po punon për sqarimin e rrethanave të ngjarjes.
