Vijon lufta me flakët në Karaburun. Zjarri është në terren të vështirë, çka ka detyruar forcat zjarrfikëse të nisen drejt vendit të ngjarjes në këmbë.
Atyre u janë bashkuar edhe banorët e zonës për të ndihmuar në fikjen e zjarrit. Por në videon e siguruar nga “Faxweb.al”, duket se ata hasin vështirësi në shuarjen e flakëve pasi nuk kanë mjetet e nevojshme.
Në këto kushte, ata marrin degë peme dhe nisin të gjuajnë drejt flakëve për t’i fikur. Zjarri ndodhet rreth 1450 m mbi nivelin e detit, ndërsa dyshohet se është ndezur nga barinj ose gjahtarë të zonës.
Discussion about this post