IKMT-ja ka nisur shembjet në bregdetin e Golemit.
Pronarët e objekteve kanë refuzuar shembjen pasi nuk janë paralajmëruar.
Fax News ka kapur momentin kur njëri nga banorët ka filluar të mallkojë.
“Në kokën tuaj ishalla, u raftë në kokën tuj. Zoti është i madh. Do e këpusni kokën mos u mërzisni se ju shef Zoti,”- është shprehur banori para kamerës.
Ndërkohë që punonjësi I IKMT-së përqpiqet ta sqarojë se thjesht po zbaton urdhëra.
Një tjetër pronar është shprehur se është i pajisur me leje.
“Ne jemi të pajisur me leje, e ka lëshuar Elvis Rroshi. Domkumentacionin nuk e kanë marrë për bazë ata na thanë vetëm që të pastrojmë objektin, pa kurrfarë njoftimi paraprak, thjeshtë na është thënë se do bëhet shembja e objektit. Se nga kush është ky urdhër asgjë nuk dimë. Ka dhe objekte të tjera që po heqin po të njëjtën situatë si ne. Unë do të qendroj këtu bashkë me familjen dhe të afërmit e mi që ky objekt të mos shembet se e kam ndërtuar me djersë, të paktën pa një arsye ligjore.”- u shpreh qytetari.
Ndërkohë përfaqësues të IKMT në një prononcim të gazetares së Fax Neës, Elitjona Doko janë shprehur se përgjegjesitë për dhënien e lejeve i mbajnë bashkitë, kurse për ta janë të kundraligjshme.
(F.M/Faxweb)
