Në videon e mëposhtme është dëshmia e qytetarit Korab Shehi, i cili tregon dhunën e ushtruar nga policia gjatë natës në Dibër, me maska dhe me armë.
Sipas Shehit dhuna nuk ka kursyer as gratë dhe as fëmijët, ndërkohë që nusja e kushëririt të tij ndodhet në spital për shkak të gjendjes shëndetësore të rënduar.
“Ishte ora 03.00 e mëngjesit. Unë rri në kat të parë dhe në kat të dytë dhe të tretë i kishin thyer dyert të gjitha. Kur dola unë ata po zbrisnin poshtë. Ishin me maksa, kallashnikov dhe gjithçka. Në atë kohë u thashë: Çfarë është? Jo skemi punë, më tha kush je.
I thashë emrin, pastaj ata shkuan te nusja e kushëririt. Ngaqë e dija që ishte me 3 fëmijë të vegjël shkova atje. Kur shkova atje, ata aty më shtynë, nuk më lanë dhe më përplasën për mur. Nuk më lanë që të shkoj aty. E dija që kishte për ti rënë të fikët nuses së kushëririt.
Asaj i ra të fikët në rrugë, ndërsa djali ikushëririt shkoi të marrë makinën, policët i thanë; lere të vdesë në rrugë, sepse Ii ra të fikët në rrugë. Policët na kanë godit mua dhe djalin e kushëririt, na kanë rrahur. I kanë future dhe në furgon dhe i kanë rrahur me shkop gome, plus që e kanë godit dhe në fytyra”, shprehet Shehi.
Discussion about this post