Janë zbuluar detaje të reja për punonjësin e policisë Berhan Bajrakurti i cili shfaqej në një video shokuese duke kryer veprime të turpshme ndaj një të miture.
Faxweb.al mëson se efektivi i policisë ishte shkarkuar në vitin 2008 nga rradhët e policisë për shkelje në detyrë, ndërkohë që në 2014 kishte veshur sërish uniformën e policisë.
Sipas burimeve për Faxweb.al pasi është shkarkuar si punonjës policie, ka punuar si fatorino në linjën Shkodër-Koplik.
Ndërkohë në vitin 2015, Berhan Bajrakurti ka qenë dhe komisioner i Partisë Socialiste për zgjedhjet lokale në qarkun e Shkodrës.
Bajrakurti ishte i martuar dhe me dy fëmijë. Vajza ishte e martuar, ndërkohë që së fundmi Bajrakurti ështe bërë dhe gjysh.
Kujtojmë se Bajrakurti u arrestua nga ana e Policisë së Shkodrës, pas publikimit të videos ku shihej duke kryer veprime të turpshme përmes celularit në drejtim të një të mitureje, të cilën e kishte ngacmuar dhe më herët.
E ëma e vajzës pohon se pasi ka parë pamjet e turpshme, dhe ka folur me vajzën, ka marrë videot e bashkë me të bijën ka shkuar në komisariatin e Koplikut për ta denoncuar por aty askush nuk e ka pritur.
E ëma ka rrëfyer më tej se askush nuk e ka marrë denoncimin, madje dhe brenda komisariatit janë përballur me kërcënimet e Bajrakurtit se do i shfaroste.
Policia e Shkodrës ende nuk ka dhënë njoftim të plotë për rastin, ndërsa është mjaftuar vetëm me arrestimin e tij.
(M.Q/Faxweb.al)
Discussion about this post