Deputeti i Partisë Demokratike, Ervin Salianji, ka folur sot lidhur me deklaratën e tij se disponon video të tjera për policin Berhan Bajrakurti, i cili shfaqej në një videoskandal teksa bënte veprime të turpshme në telefon me një minorene.
I ftuar në një intervistë në studion e televizionit Fax News, ai u shpreh se disponon disa videoskandale të tjera të të njëjtin efektiv policie.
Sipas Salianjit, këto video ai ua ka dërguar të afërmve të personave të përfshirë, për tu bërë presion.
Deputeti demokrata po ashtu tregoi se si i ka siguruar këto video, kur tha se “Ata që na i kanë sjellë ne që janë drejtues policie, policë etj, do të gjejnë mënyrën që t’i çojnë edhe në organet kompetente.”
“Janë nga persona të ndryshëm për të njëjtin efektiv policie. Ka në ambiente të ndryshme, me të njëjtën fytyrë, me të njëjtin personazh. Janë video që janë bërë si regjistrime nga polici dhe ua ka dërguar si kërcënim pastaj, njerëzve apo të afrëmve të të dhunuarave.
Nuk ka diskutim që ne do të bëjmë presionin publik, që Policia e Shtetit që i ka, i disponon, t’i marrë dhe administrojë në dosje procedurialisht si prova për të çuar para përgjegjësisë penale këtë persona, por pa diksutim të gjitë zinxhirin komandues të policisë në ato komisariate që e kanë mbrojtur.
Jemi në këtë situatë dhe publikimi nga ana jonë nuk besoj se vlen më tej, por ata që na i kanë sjellë ne që janë policë, drejtues policie, besoj që do të gjejnë mënyrën për t’i çuar në medie si raste skandaloze”, tha ndër të tjera Ervin Salianji.
(B.B/ Faxweb.al)
Discussion about this post