Një laptop me dokumentet të klasifikuara të Shërbimeve Sekrete amerikane është vjedhur.
Sipas BBC kompjuteri me rëndësi të madhe iu grabit një agjenti nga makina e tij në Nju Jork.
Sipas mediave amerikane, laptopi mbante dokumente me materiale të rëndësishme si dhe planet arkitekturore të Kullës së Trump dhe rezidencës ku jetojnë Melania me djalin e saj të vogël.
Autoritetet thanë se laptopi u mor mëngjesin e së mërkurës. Në kompjuter ka dhe detaje në lidhje me hetimin për përdorimin e-mail-it shtetëror për çështje private nga ish-kandidatja demokrate për Presidente, Hillary Clinton.
Policia po punon për identifikimin e autorit si dhe rikuperimin e laptopit.
Daily News raporton se vjedhësi i laptopit është parë duke ecur afër makinës së agjentit me një çantë në kurriz. Disa sende të agjentit më vonë u zbuluan nga policia por laptopi nuk u gjet.
(M.D/ Shuplaka)
