Një ngjarje e pazakontë ka ndodhur në shtetin e Meksikës.Trofeu i Europa Leagues, që ishte në një tur promocional në këtë vend, sipas mediave meksikane është vjedhur gjatë transportimit me furgon në Guanajuato.
Gjithsesi, pak kohë më vonë, autoritet meksikane kanë njoftuar se e kanë gjetur trofeun, që tashmë është në duar të sigurta.
Trofeu i Ligës së Europës, që sezonin e shkuar u fitua nga Mançester United u grabit nga furgoni FedEx që po e transportonte.
Nuk janë dhëne me shumë detaje në lidhje me këtë incident, ndërsa zyra për shtyp e prokurorit të shtetit ka postuar një fotografi të trofeut. FedEx është sponsori kryesor i Ligës së Europës dhe si ushtrim marketingo, trofeu dërgohet nëpër evente me furgon.
Këtë vit finalja e Europa League do të zhvillohet në Lyon, më 16 maj. Një kopje e këtij trofeu i dorëzohet fituesit, ndërsa origjinalin e mban UEFA, sikurse ndodh edhe me Champions League-n.
(M.Q/Faxweb)
