37-vjeçari Fatjon Përzhita, është kthyer në makthin e përdoruesve të biçikletave në Durrës. Blutë e qytetit bëjnë të ditur se është faktuar grabitja e të paktën 3 biçikletave nga ana e 37 -vjeçarit, në lagje të ndryshme të qytetit.
Metoda ishte praktike dhe e njëjtë për të të gjitha vjedhjet, prerja e kabllove të “sigurimit” dhe më pas lëvizja nga vendi i parkimit duke i përvetësuar pa rënë në sy nga qytetarët.
DETAJET:
Specialistët për Krimet në Komisariatin e Policisë Durrës bënë të mundur arrestimin e •Fatjon Përzhita 37 vjeç, banues në Tiranë. Në sajë të veprimeve hetimore të kryera dyshohet se Përzhita është autor i ngjarjeve të mëposhtme:
1.Më datë 30.07.2017, në lagjen Nr.13, Durrës dyshohet se në oborrin e banesës i ka vjedhur biçikletën shtetases M.Ç. 44 vjeçe.
2.Më datë 01.08.2017, në lagjen nr.13, Durrës dyshohet se në punishten e shtetasit A.M. 32 vjeç ka vjedhur biçikletën dhe një gurë fresibël, të cilat u sekuestruan në cilësinë e provës materiale.
3.Më datë 24.08.2017, në lagjen nr.13, Durrës është kapur në flagrancë nga Efektivet e Policisë pasi i ka vjedhur biçikletën shtetasit D.D. 50 vjeç, e cila u sekuestrua në cilësinë e provës materiale.
