Ligji për teatrin duket se do të fusë përsëri në sherr politikësh shqiptare, pas paralajmërimit të kreut demokrat Lulzim Basha se nëse ai ligj miratohet sërish, “shkelet vija e kuqe”.
“Të tërhiqet menjëherë pa bërë gëk mëk. Shansin ia ka dhënë Presidenti me kthimin e ligjit. E përshendes personalisht këtu kreun e shtetit. Të tërheq ligjin Fusha, mos t’i shkojë ndërmend ta sjellë në seancë se do të përballet me pasojat më të paparashikueshme. Do të jetë shpallje e konfrontimit dhe e përplasjes civile”, paralajmëroi Basha.
Por deputeti i PS-së Pjerin Ndreu i pyetur në ‘Fax News’ në lidhje me këtë paralajmërim të Bashës, u shpreh se shumica është maxhoranca dhe ajo i merr vendimet.
“S’merrem me vijat e kuqe të Lulzim Bashës, lideri i opozitës është në minorancë, për sa kohë njerëzit kanë votuar PS-në, vendimet i marrim ne. Ne jemi mxhorancë dhe kemi për detyrë që këtë vend ta zhvillojmë me konceptin dhe vizionin tonë i cili ka treguar se është në diferencë me të tjerët.
PS është të implimentojë strategjinë e zhvillimit të vet, nëse nuk është e mirë do të gjykohet nga populli, keto rëniet e gjoksit se unë bëj..kush do ta bëjë skenarin ogurzi, për cfarë, kush do ta bëjë, po bëhet një teatër modern, tani do bësh teatër apo do ruash godinën, unë e kam parë ajo nuk ka asnjë lloj konstrukti të godinave të ministrive, do krijojmë gjitha kushtet e nevojshme që kushtet të jenë bashkëkohore në teatrin e ri”, deklaroi Pjerin Ndreu ndër të tjera..
I pyetur në lidhje me vendimin e presidentit Meta i cili ktheu mbrapsht ligjin, deputeti i PS-së tha se do të meret parasysh por theksoi se në fund vendimin e merr maxhoranca.
“Merret për bazë vendimi i shumicës dhe shumica jemi ne, ne do ta shqyrtojmë, nëse në interpretimin e presidentit gjejmë pika të përbashkëta, do të reagojmë në të kundërtën ne vazhdojmë. Ne do e marrim në anlizë, mbetet për tu parë. Por mendimi im është që në fund të fundit vendimin e merr maxhoranca”, deklaroi ai.
Gjithashtu Pjerin Ndreu i pyetur për mundësinë e bashkëpunuimit PS-PD, u shpreh se Rama i ka dhënë “letrën bosh” opozitës për hir të reformës. Ai paralajmëroi tërmet në politikën shqiptare pasi reforma do të implementohet dhe të prekurit do të jenë edhe nga ana e maxhorancës.
“Ka një moment themelor sot në zhvillimet shoqërore shqiptare, është reforma në drejtësi, për ata që e dinë, e dinë se kjo reformë në drejtësi do të shkëpusë shtetin nga korrupsioni, është një reformë nga më të ashprat, por që duhet bërë. Këtë reformë ka segmente që po e pengojnë dhe dora e bashkëpunimit e Edi Ramës ka shkuar deri atje sa për këtë reformë u ka dhënë edhe letrën bosh, ne jemi të vendosur që ky vend të zhvillohet, ka vetëm një klauzolë implementimi i reformës në drejtësi dhe ngritja e strukturave antikorrupsion që janë Byroja Kombëtare e Hetimit, Prokuroria e Posaçme dhe Gjykata e Posaçme, Do të implimentohet edhe me këto pengesa, ne nuk lusim opozitën, opozita është e pozicionuar hapur për pengimin e saj”, tha Ndreu që sipas tij opozita ka gjetur armiq kundër reformës deri në BE e Washington por reforma sipas tij nuk ndalet pavarësisht se kosto do të ketë edhe PS.
“Ne do ta çojmë deri në fund, edhe duke e ditë se do paguajmë kostot tona. Do kete shumë të penalizuar brenda maxhorancës, do paguajmë edhe ne faturën. Ajo reforma është një tërmet, se kë do zërë nuk e di dhe për shkak të atij tërmeti dikush është në panik. Nëse ka një moment ku ne ndahemi nga shteti i korruptuar ky është rasti cdo lloj interpretimi tjetër është për të ruajtur atë strukturë që kishim deri dje. Shumë shpejt do të implimentohet reforma”, shtoi ai.
Intervista e plotë:
(B.H/Faxweb)
