Pas deklarimeve të pasurisë së kryeministrit Edi Rama, presidentit Bujar Nishani, kreut të Kuvendit Ilir Meta, ish-kryeministrit Sali Berisha, zbulohen edhe deklarimet e pasurisë së kryetarit të bashkisë Erion Veliaj dhe bashkëshortes së tij, Ajola Xoxa.
Gazeta “Panorama” shkruan se Veliaj ka vijuar gjatë vitit 2016 të shlyejë një kredi të marrë që në gusht të vitit 2015-të.
Sipas deklarimit të pasurisë, vitin e kaluar ka shlyer 720 mijë lekë nga kredia, ndërkohë që ka për të shlyer edhe 5.8 milion lekë. Të ardhurat nga paga për vitin 2016 Veliaj i ka pasur 1.5 milion lekë, ndërkohë që ka deklaruar një llogari me 1.1 milion lekë dhe 1 mijë euro.
Nga ana tjetër, bashkëshortja e kryebashkiakut Ajola Xoxa, mësohet se ka deklaruar shitjen e një apartamenti 88 mijë euro. Në kategorinë e të ardhurave, për vitin 2016 ajo ka deklaruar konsulencë ligjore 7.5 milionë lekë si dhe konsulencë me UNICEF 260 mijë lekë. Sipas këtyre të dhënave, bashkëshortja e Veliajt rezulton më e pasur sesa bashkëshorti, i cili ka akoma një kredi për të shlyer. (D.D/Shuplaka)
[ngg_images source=”galleries” container_ids=”1631″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
