Vijojnë lëvizjet dhe emërimet në strukturat drejtuese të Policisë së Shtetit, në kuadër të riorganizimit dhe forcimit të kapaciteteve operacionale në terren.
Me vendim të Drejtorisë së Përgjithshme të Policisë së Shtetit, janë bërë këto ndryshime të fundit në nivel drejtues:
-
Komisare Edjona Dano është emëruar Shefe e Komisariatit të Policisë Kuçovë, duke marrë detyrën nga Kleant Serdari.
-
Kleant Serdari, i cili deri më tani mbante postin e shefit në Kuçovë, është emëruar Shef i Komisariatit të Policisë Mallakastër.
-
Bledar Metaj, ish-shef i Komisariatit të Policisë Mallakastër, është emëruar në pozicionin e Shefit të Sektorit të Policisë Rrugore pranë Drejtorisë Vendore të Policisë Vlorë.
Këto ndryshime bëhen në kuadër të rritjes së efikasitetit të strukturave vendore të Policisë së Shtetit, me qëllim forcimin e rendit, garantimin e sigurisë publike dhe përmirësimin e shërbimit ndaj qytetarëve.
