Nga qendra e Tiranës vijojnë takimet intensive. Ambasadori Donald Lu sot i ka shkuare në zyrë kryetarit të Kuvendit Ilir Meta. Ditën e djeshme ai kishte patur një takim me kryeministrin Rama dhe Ministrin Tahiri.
Këto takime janë bërë aq të shpeshta saqë padyshim dhe mund të etiketohen si takime rutinë. Mirëpo pas një klime disi kontradiktore që është krijuar mes palëve, thashethemet duhet të sqarohen.
Ky takim vjen në një kohë që Meta në një mënyrë apo një tjetër ka marrë në mbrojtje punën e kryeprokurorit Adriatik Llalla i sulmuar ashpër nga ambasadori amerikan.
Edhe gjatë disa takimeve që Meta ka patur me median është shprehur se deklaratat e Llallës do të ishin të papranueshme nëse do të ishte ambasadot i një vendi më të vogël dhe jo i SHBA-ve. Reforma në Drejtësi mund të jetë njëra nga temat e takimit, po padyshim në një vend ”rrëmujë” si Shqipëria material për debate dhe diskutime ka plot.
Takimi i sotëm mes të dyve ka zgjatur për rreth dy orë. Po ashtu si është bërë e zakonshme për këto takime përveç hyrjeve dhe daljeve nga ndërtesat nuk ka asnjë informacion më shumë për mediat. (E.K/SHUPLAKA)
Discussion about this post