Vijon aksioni i Bashkisë së Tiranës dhe Ujësjellës-Kanalizimeve për monitorimin e situatës të përdorimit të ujit të pijshëm.
Në kontrollet e fundit, të ushtruara në disa zona të kryeqytetit, janë vendosur 24 gjoba për familjarë dhe për biznese të ndryshme.
Mësohet se zonat që janë vëzhguar janë:
-Farkë,
-Zall Herr,
-Petrelë,
-Babrru,
-rruga “Dhimitër Kamarda”,
-rr. “Ali Demi”,
-rr. “Kont Urani”,
-rr. Elbasanit,
-rr. “Hoxha Tahsin”,
-Liqeni i Thatë,
-zona e “Qytetit Studenti”,
-zona e ish-Parkut të Autobusëve,
-si dhe në linjat e transmetimit DN 700 dhe DN 1000, ku u bë verifikimi i 1770 rasteve.
Gjatë kontrolleve, grupet e Task-Forcës të shpërndara në territorin e Tiranës, përfshi edhe zonat rurale, kanë identifikuar dhe shkëputur 198 raste të lidhjeve të paligjshme në rrjetin e ujësjellësit, ku uji i pijshëm përdorej për ujitje. (D.D/Shuplaka)
