Policia Rrugore vijon aksionin edhe ditën e sotme për vendosjen e rripit të sigurimit si një ndër mënyrat e shmangies të aksidenteve rrugore. Operacioni i shtrirë në 12 qarqet e vendit ka nisur në orën 13:00 dhe do të zgjasë deri në orën 14:30 të ditës së sotme.
Në këtë operacion janë angazhua rreth 850 punonjës policie, si rezultat i bashkëpunimit të Policisë së Qarkullimit Rrugor me Policinë e Rendit dhe “Shqiponjat”.
Njoftimi i Policisë së Shtetit
Vijon Operacioni “Blici Rrugor”
Aksioni vetëm për vendosjen e rripit të sigurimit.
Policia e Shtetit po zhvillon aktualisht operacionin e koduar “Blici rrugor”, të shtrirë në 12 qarqet e vendit, në akset kryesore dhe zonat urbane.
Operacioni ka nisur në orën 13:00 dhe do të zgjasë deri në orën 14:30 .
Policia e Qarkullimit Rrugor është mbështetur nga Policia e Rendit dhe Shqiponjat.
Sot jane angazhuar rreth 850 punonjës Policie në total.
Jane ngritur dhe po funksionojnë 160 pika kontrolli në të gjithë vendin.
Aksioni synon goditjen e paligjshmërisë, kryesisht atë që lidhet me zbatimin e nenit 170 të Kodit Rrugor, për mosvendosjen e rripit të sigurimit.
Operacioni ka për qëllim rritjen e parametrave të sigurisë rrugore, ndërgjegjësimin e qytetarëve për rëndësinë e vendosjes së rripit të sigurimit por edhe të respektimit të rregullave të qarkullimit rrugor në tërësi.
Discussion about this post