Në Mallakastër, prej tre ditësh vijojnë që të jenë aktive disa vatra zjarri. Mësohet se flakët e zjarrit kanë përfshirë një sipërfaqe me shkurre dhe pisha.
Mirëpo zjarri vijon ende edhe mbrëmjen e sotme në fshatin Metoh të Mallakastrës. Ndërkohë në rrezik janë edhe disa banesa pranë, të cilave flakët po u afrohen me shpejtësi për shkak të erës.
“Ora News” ka publikuar një video, e cila tregon zjarrin dramatik që shkatërron pyllin me pisha dhe pemë të tjera.
Mësohet se zjarri ka shkrumbuar qindra hektarë pyje në të gjithë vendin. Situata më problematike është në pyjet e fshatit Dukat të Vlorës, ku ka të paktën tri vatra aktive zjarri.
Kujtojmë se një ditë më parë, prefekti i Qarkut Vasil Bregu tha se zjarrfikëset e kanë të vështirë të ndërhyjnë për shkak të terrenit malor. Megjithatë, zjarrfikësit si edhe banorët e fshatit po angazhohen për shuarjen e zjarrit me mjete rrethanore.
E njëjta situatë vazhdon si dje ashtu edhe sot, jo vetëm në Mallakastër por edhe në qytete të tjera të vendit. (D.D/Shuplaka)
Discussion about this post