Ka shkuar në 40 numri I të arrestuerve që morën pjesë në protestën e mbrëmshme të opozitës e cila u shoqërua më konfrontime të ashpra midis policisë dhe qytetarëve.
Shoqërimet kanë nisur që në orët e vona të mbrëmjes së kaluar me mbylljen e protestës dhe përgjatë gjtihë natës dhe mëngjesit të sotëm.
Pas mbylljes së protestës së opozitës në komisariat mbërritën ish-deputetë të PD dhe kërkuan lirimin e të shoqëruarve. Në ambientet e Drejtorisë së Policisë Tiranë shkoi Edmond Spaho, Bardh Spahia, Endri Hasa, Romeo Gurakuqi, Klevis Balliu dhe Edi Paloka.
Ish-deputetët kërkuan një takim me përfaqësues të policisë, por i është thënë se protestuesit janë shoqëruar nëpër komisariate dhe më pas do të sillen në drejtori.
Protesta e djeshme nisi në orën 18:00 dhe zgjati për pak më shumë se katër orë, ndërsa nuk munguan as incidentet e dhunshme mes qytetarëve dhe Policisë.
Duke folur nga selia e PD-së, Basha tha në mbyllje se kjo ishte protesta më e madhe që kanë mbajtur ndonjëherë qytetarët në Shqipëri, ndërsa shtoi se përpjekjet për të intimiduar qytetarët ishin shumë të mëdha.
Sipas Ministrisë së Brendshme në protestën e djeshme mbetën të lënduar 5 efektivë të policisë, ndërsa partitë e opozitës flasin për më shumë se 15 qytetarë të lënduar.
Kujtojmë se ende pa u mbyllur mirë protesta ka reaguar dhe kryeministri Rama, i cili nuk ndodhet në Shqipërii, që tha se skenat që pa ishin të turpshme.
‘’Nëse kjo ishte protestë e madhe atëherë filxhani është shkencë, Saliu është astronom dhe pakica ështē shumicë! Në fakt kjo s’ishte as e madhe, as e denjë po thjesht e turpshme për pdLSI! Këta humbës të pashërueshëm po rrisin çdo ditë faturën që do u presë Sovran në 30qershor”, shkruan Rama në komunikimin e tij në rrjetet sociale.
(F.GJ/FAXËEB.AL)
Discussion about this post