Vijon reprezalja në Elbasan/ Pasi pritën Ramën me protesta, fillojnë shoqërimet në polici (Emrat)

Kryeministri Edi Rama në turin e takimeve më programin “Bashkia që Duam” nëpër qytete të ndryshme të vendit, gjatë ditës së sotme është ndalur në Librazhd ku edhe është pritur me protesta.

Disa protestues e kanë pritur kryeministrin me pankarta në duar dhe duke hedhur thirrje kundër qeverisë së tij. Protestuesit kanë tentuar të bllokojnë edhe rrugën në të cilën pritej të kalonte eskorta e Ramës duke u shoqëruar edhe me përplasje midis tyre dhe policisë.

Për këtë, burime për Fax News bëjnë me dije se ka nisur edhe ‘reprezalja’ ku deri më tani janë thirrur në polici 6 protestues dhe përfaqësues të Partisë Demokratike në qarkun e  Elbasanit midis tyre edhe kryetari i degës së Librazhdit, Bujar Vreto.

Emrat e personave të thirrur nga policia:

Bujar Vreto, kryetar PD-së në Librazhd

Arben Kurti

Roland Abazi

Xhevdet Balliu

Florant Vreto

Arjanit LeKa

Ndërkohë bëhet me dije se pritet shoqërimi i të tjerë protestuesve.

(F.GJ/FAXWEB.AL)