Komisioni Qëndror i Zgjedhjeve ka thirrur tre emra të tjerë nga listat shumëemërore të kandidatëve për deputet për të dorëzuar formularët e dekriminalizimit.
Ndërkohëdy prej tyre, kanë dorëzuar sot në KQZ këtë formular. Tashmë atyre ju hapet rruga për marrjen e mandatit të deputetit, duke u bërë kështu emrat e rinj që i shtohen opozitës në Kuvend.
Mësohet se ata që kanë dorëzuar gjatë ditës së sotme formularin e dekriminalizimit pranë KQZ-së janë: Krenar Rryci, i listës së PD-së për Durrësin dhe Kostaq Papa. Ndërkohë që Ares Ypi, kandidati i listës së Tiranës, pasi dorëzoi formularin e dekriminalizimit në KQZ, ka nënshkruar dorëheqjen nga mandati.
Kujtojmë se Ares Ypi kandidat në listat e PD dorëzoi disa ditë më parë formularin e vetëdeklarimit në KQZ dhe pritej miratimi, që ky i fundit të merrte mandatin e deputetit.
Ditën e djeshme Ypi ka dërguar një tjetër kërkesë në KQZ duke bërë me dije këtë institucion se heq dorë nga ky proces.
Ai ka shkruar se gjithçka ka qenë një keqkuptim pasi kishte menduar se ishte një detyrim ligjor dorëzimi i formularit (lexo këtu).
(F.GJ/FAXWEB.AL)
Discussion about this post